അപ്രതീക്ഷിതമായി വിദേശയാത്ര നടത്തേണ്ടി വരികയും പാസ്പോര്ട്ട് കൈവശം ഇല്ലാതിരിക്കുകയും ചെയ്താല് വിഷമിക്കേണ്ട കാര്യമില്ല. ഇന്ത്യാ ഗവണ്മെന്റിന്റെ തത്കാല് പാസ്പോര്ട്ട് പദ്ധതി സാധാരണ പ്രക്രിയയേക്കാള് വളരെ വേഗത്തില് പാസ്പോര്ട്ട് ലഭ്യമാക്കാന് നിങ്ങളെ സഹായിക്കുന്നു. നിങ്ങള് നല്കുന്ന അപേക്ഷയും രേഖകളും ശരിയായ രീതിയിലാണെങ്കില് മിക്കവാറും 1 മുതല് 3 പ്രവൃത്തി ദിവസങ്ങള്ക്കുള്ളില് പാസ്പോര്ട്ടുകള് ലഭിക്കും. എങ്കിലും പാസ്പോര്ട്ട് ലഭ്യമാകാനുള്ള പ്രോസസ്സിംഗ് സമയം നിങ്ങളുടെ രേഖകളെയും പ്രക്രിയയെയും ആശ്രയിച്ചാണിരിക്കുന്നത്.
തൊഴില്, പഠനം, മെഡിക്കല് അടിയന്തരാവസ്ഥകള് അല്ലെങ്കില് വിദേശ യാത്ര എന്നിവയ്ക്കായി വേഗത്തില് പാസ്പോര്ട്ട് ആവശ്യമുള്ളവര്ക്ക് ഈ സൗകര്യം ഉപയോഗിക്കാം. ഇങ്ങനെയുള്ള ആവശ്യങ്ങള്ക്കായി പാസ്പോര്ട്ട് അപേക്ഷകള് മുന്ഗണനാടിസ്ഥാനത്തിലാണ് പ്രോസസ്സ് ചെയ്യുന്നത്.
എല്ലാ രേഖകളും ക്രമത്തിലാണെന്നും അപേക്ഷയില് പോരായ്മകളൊന്നുമില്ലെന്നും കണ്ടെത്തിയാല് സാധാരണയായി 1 മുതല് 3 ദിവസത്തിനുള്ളില് തത്കാല് പാസ്പോര്ട്ട് ലഭിക്കും. ചില സന്ദര്ഭങ്ങളില് ആദ്യം പാസ്പോര്ട്ട് നല്കുകയും പിന്നീട് പൊലീസ് പരിശോധന നടത്തുകയും ചെയ്യാറുണ്ട്.
Content Highlights :The Government of India's Tatkal Passport Scheme helps you get your passport much faster than the normal process.